L’aduss

di Franco Bertoni



Bel, arlung al senté, trové n’aduss
stërmà suta le föje
che mac a descuatela a specia el cel
e a pitüra d’argent
sue nìvule archincà per l’ültim sul.

Prima a l’era na vena tra ij büssun
ansima na muntagna qualsissia:
adess na giojera e ij so brilant,
un colié ansima al sen ed na bela fija.

© 2016 Fondazione Enrico Eandi
Via G. B. Bricherasio, 8 | 10128 - Torino
P.IVA 10168490018
www.fondazioneenricoeandi.it