El vindo

di Carlo Comino

(A mia fumna)
It l’has mai vorsü ch’it lo cateissa un vindo!
A-i va ij me brass per res-te la marela!
A cress el grümissel ant ij to di,
teléfun mascögn che an grupa ansema,
disend ben ciütu mac parole dusse.

E ti it lo desdavane cun bel döit,
un poc adasi, un poc an pressa e it fas atensiun
a rivé an co sempre tnisend el fil
tirà ni trop ni poc, ma mac cum venta,
sensa scianché, dapress al giüst caviun.

Propi parej a l’é co el nost trafen:
ij grup, se a-i sun, venta sërché ed desbleje,
ed fé sembié el cose un poc scarabujà
se i voruma a la famija dé el calur,
l’ünic ch’a cunta: cul del nost amur.