Dui toc ed brunz

di Nino Costa

Dui toc ed brunz l’avìa ant le man Nosgnur:
ün a l’ha dajlo a n’àngel, l’aut al diav
disendje: “Fé cun son vost caplavur”.

Sun bütasse al travaj l’àngel e el diav
tüti dui volunté, per l’ambissiun
ed fesse vëde el travajör pi brav.

L’induman sun rivà dnans al padrun,
cun so travaj finì – broca per broca –
fait ognidün secund sua cugnissiun…

L’àngel del cel a l’avìa fait na cioca
e el diav dl’infern l’avìa forgià un canun.