El pensé capunà

di Nino Costa

J’era na volta un fol ch’a se sforsava
d’insaché el füm drinta un sachet furà,
e el füm da tüti ij böcc a je scapava.

J’era n’aut ch’a passava le giurnà
sercand ed pisté l’eva ant el morté:
– Per tant ch’a feissa – l’era mai pistà.

J’era co n’aut ch’a pretendìa ed süvé
el fund del mar dovrand un cüciarin
e as sagrinava ed nen podejlo fé.

Adess a j’é quaidün ch’a l’ha el balin
– cun le tisoire – ed capuné el pensé,
e a völ grupé l’idea cun un cordin.

L’idea lo scianca e a seguita a volé.

(1918)