La prima susta

di Nino Costa

Stèmber 1944

Sulitari sla muntagna
Camp-sant dla Ruà…
Tra le bele fiur ed campagna
el me fiöl l’é stait sutrà.

L’han sutralo ant la bataja
suta i crep dle canunà,
cun le fiame e la mitraja
s’a l’han faje la cumpagnà.

Pian pianin, tacà me fiöl,
propi lì cuntra el so cör
l’hai posaje co el me cör
derelit e fatigà.

e anvlüpà ant l’istess linsöl
l’hai sutrà mia poesìa
per ch’a-j feissa cumpanìa
sla muntagna dla Ruà.