Türin

di Nino Costa

Türin a l’é parej ed na bela sgnura
ch’a ten so post e ch’a völ pa dé ant l’öj…
A prima vista av lassa freid, ma pöi
cunossendla dabin – un s’innamura

L’é seria, drita, ciaira e sensa imbröj,
tüta descüerta al sul ch’a l’incolura,
fiera dla gloria d’jer, ch’a splend ancura,
ma viva e forta del travaj d’ancöj.

L’é na sità ed bun güst: moderna e pratica,
sensa rabel: gentila e riservà,
ch’a sa guerné sua grassia aristocràtica,

e, an mes a tanti batiböj, tranquila
a guarda an facia el mund e a fa sua stra
– sensa ciameje gnente a gnün – da chila.