Màlaga, Màlaga

di Rico Gülin

S’i füssa andait a Màlaga
sarìa nen sì
a spass tra ij baracun
dla fera dij pucio, (*)
spetand che ti,
sarà to tirasegn,
it lasse la porta sbajà.
Ma am piaserìa trové,
prunta da beive,
na cupa ed vin brülé
fümant de spessie
e nen caprissi e pusca
dla giassera:
che i l’abia gnün regret,
cul freid ch’a-i é,
d’esse pa andait a Màlaga.
(*) Fera dij pucio: fera ed Sant’Andrea, a Salüsse, l’ültim saba ed novèmber.