El bijetin

di Ines Poggetto



Ant el portaföj ed Papà
j’era un bijetin
dubià,
un bijetin ed papé da scola
scrit a crajun
cun sua cüra bela.
“Arfüdme nen, Signur,
ant el temp ed mia veciaja.
Bandunme nen
cand che le forse am lasso”
(Salm 71,9)
I l’hai trovà el bijetin
Papà j’era pa pi.
L’era cun ti, Nosgnur,
ant el vagun blindà
le nöit e ij di infinì
angussà ed magun
crasà ed disperassiun?
L’era cun ti, Papà,
an sla banchina
sgiaflà daj rifletur
bulversà ed crij,
dij crij del Leviathan
re del terur
dispensatur d’orur?
L’era cun ti
ant la fila dij danà
ümilià
despojà ed tüt
pistà?
L’era davzin a ti?…
E a l’ha piurà cun ti?

(mars 1997)

© 2016 Fondazione Enrico Eandi
Via G. B. Bricherasio, 8 | 10128 - Torino
P.IVA 10168490018
www.fondazioneenricoeandi.it