El me piemunteis

di Nino Costa

Dal temp dij temp ij vej dla mia famija
l’han sempre descurü an dialet nostran.
Dij tanti amis dla giuventü fiurìa
pa gnün ch’a ciaciareissa an italian.

La storia dla mia gent, la poesìa
del me pais l’é un dialet rüdi e san
rangià an sel güst dla rima e dl’armunìa
ch’am ven dal sang Munfrin e Canavesan.

Me prim antic amur: la prima fiama
ch’a l’ha scaudà el me cör quasi … tre meis,
l’é propi an türineis ch’am pijava an gir

e a l’é stait an dialet l’ültim suspir,
l’ültim salüt ch’a l’ha besbijà mia Mama …
… L’é per lon-lì ch’i scrivo an piemunteis.